WES-KAAP. – Die Kaap het gevra en AIG het geluister. Op 20 September kan jy na jou gunstelingsangers by die Afrikaans is 100 jaar Groot-konsert by die DHL-stadion in Kaapstad gaan kyk en luister.
“Een historiese konsert! Een onvergeetlike aand! Want Afrikaans is ’n 100 jaar GROOT.”
Musiekaanhangers kan uitsien na optredes van kunstenaars soos Laurika Rauch, APPEL, Francois van Coke, Bok van Blerk, Juanita du Plessis, Riaan Benade, Emo Adams, Riana Nel, Kurt Darren, Tarryn Lamb, Early B, Ricus Nel, Karlien van Jaarsveld, Dodo Nyoka, Elvis Blue, Refentse, Bernice West, Ruhan Du Toit, Jay du Plessis, Talitha, Aidam-John Zekoe en Andrea Fortuin.
Kaartjies is vanaf 8 Mei om 10:00 eksklusief op iTickets beskikbaar.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
