GAUTENG. – Inwoners van die Tshwane-metro skuld nou meer as R18,3 miljard, ondanks die metro se skuldverligtingsprogram. Dit is volgens die departement van finansies se vierdekwartaal-verslag meer as R700 miljoen hoër as die vorige finansiële jaar.
Die VF Plus waarsku dat algemene skuldafskrywing ’n kultuur van nie-betaling bevorder, en sê swak finansiële bestuur laat vermeerder skuld en verswak dienslewering. Die party is ook bekommerd oor ’n 600%-styging in nuwe wanbetalings tussen 31 en 60 dae.
Tshwane se skuldverpligtinge het met R2,28 miljard toegeneem, met skuld aan Eskom wat met 43% gestyg het. Die VF Plus eis dringende fiskale dissipline en ’n einde aan politieke inmenging om ’n moontlike finansiële ineenstorting te voorkom.
Druk hier om meer te lees.
Nuusflits het die Stad Tshwane vir kommentaar gevra.
