Lees ook: Saak teen AKA-verdagtes tot April uitgestel
DURBAN. – Vyf van die verdagtes in die moord op Kiernan (AKA) Forbes en Tebello (Tibz) Motsoane sal vandag in die Durbanse landdroshof verskyn.
Die verdagtes sal vandag om borg aansoek doen. Verskeie van die verdagtes het gesê hulle is deur die polisie aangerand en gedwing om skuld te erken. Hulle het ook beweer hulle families is gedreig.
Die verdagte wat glo die huurmoord op AKA gereël het, Mziwethemba Gwabeni, het in ’n beëdigde verklaring erken hy het R800 000 ontvang. Hy het gesê dit was vir wettige werk wat deur sy maatskappy gedoen is. Gwabeni het ook gesê van sy medebeskuldigdes het vir hom gewerk as veiligheidswagte en dis hoekom hy hulle betaal het.
Die staat sal na verwagting die borgaansoeke van die vyf mans teenstaan.
Bronne: SABC, Jacaranda FM, ECR
