Lees ook: Alec Baldwin se verhoordatum bekend
SANTE FE, NEW MEXICO. – Alec Baldwin se strafbaremanslagverhoor na die dood van Halyna Hutchins in 2021 het amptelik vandag begin.
Die jurie vir die verhoor word vandag gekies en die verhoor sal na verwagting tot 19 Julie aangaan.
Baldwin het ’n Colt .45-rewolwer op kinematograaf Halyna Hutchins op die stel van Rust gerig. Dit het afgegaan en toe hy die sneller trek, het dit ’n lewendige patroon geskiet. Sy is dood en die direkteur is gewond.
Baldwin het gesê hy het nie geweet daar was ’n koeël in die vuurwapen nie en het nie die sneller getrek nie. Die FBI het bewys die vuurwapen sou nie skiet tensy die sneller getrek is nie.
Rust se wapenhanteerder Hannah Gutierrez is vroeër die jaar skuldig bevind aan manslag en tot 18 maande tronkstraf gevonnis. As Baldwin skuldig bevind word, kan hy ook 18 maande tronkstraf opgelê word.
Bronne: Khaleej Times, ABC News, The Independent
Lees ook: Alec Baldwin se verhoordatum bekend
