Lees ook: Man val skare aan op Nuwejaarsdag, minstens 10 dood
NEW ORLEANS, VSA. – ’n Amerikaanse oudsoldaat van Texas was verantwoordelik vir die aanval in New Orleans waarin 14 mense op Nuwejaarsdag oorlede is.
Shamsud-Din Jabbar (42) het op Nuwejaarsdag met ’n SUV in ’n skare ingeploeg en toe op mense begin skiet voor hy deur die polisie doodgeskiet is. Jabbar het vyf video’s op Facebook geplaas voor die aanvalle waarin hy gesê het hy ondersteun die Islamitiese Staat-groep.
In die eerste video het hy gesê hy was voorheen van plan om sy familie en vriende aan te val, maar het nie gedink die media sal fokus op die “oorlog tussen dié wat glo en dié wat nie glo nie”.
Jabbar het in die ander video’s gesê hy is van verlede jaar deel van die Islamitiese Staat en het sy testament in die video’s gegee. Die FBI het dit ’n terreuraanval genoem.
Bronne: Channel News Asia, ABC News, NBC News
Lees ook: Man val skare aan op Nuwejaarsdag, minstens 10 dood
