VSA. – Amerikaanse wetmakers het ’n kopie van Jeffrey Epstein se “verjaardagboek” wat in 2003 deur Ghislaine Maxwell opgestel is, vrygestel.
Lees ook: VSA- huisoorsigkomitee dagvaar vir Jeffrey Epstein se ‘verjaardagboek’
Die boek, met ’n nota wat na bewering deur Donald Trump geskryf is, is vrygestel met nog dokumente, wat Epstein se testament en persoonlike adresboek insluit. Die boek en dokumente is vrygestel nadat die prokureurs vir Epstein se boedel deur die VSA se huis van verteenwoordigers gedagvaar is.
Saam met die nota wat na bewering van Trump afkomstig is (die Withuis het ontken dat Trump dit geskryf het), is ’n nota van Bill Clinton wat Epstein se “kinderlike nuuskierigheid” noem. Daar is ook ’n boodskap van Lord Peter Mandelson, die Britse ambassadeur aan die VSA waarin hy Epstein sy “beste pel” noem.
Prins Andrew word ook in die boek genoem met ’n nota van ’n onbekende vrou wat sê sy het Andrew, Clinton en Trump deur Epstein ontmoet en dat sy “op die koningin van Engeland se troon gesit het”.
Bronne: BBC, USA Today, CNN
Lees ook: VSA- huisoorsigkomitee dagvaar vir Jeffrey Epstein se ‘verjaardagboek’
