LIMPOPO. – Alle Suid-Afrikaanse burgers kan gedurende SA Nasionale Parkeweek, van 22 tot 28 September, gratis toegang vir dagbesoeke tot nasionale parke kry.
Die inisiatief, wat gewoonlik in September plaasvind, moedig burgers aan om hul natuurlike erfenis te verken en ’n gevoel van eienaarskap van die parke te kweek. Die meeste van die 21 nasionale parke neem deel aan hierdie inisiatief.
Gratis toegang dek slegs parktoegang en sluit nie oornagverblyf of ander betaalde aktiwiteite in nie. Besoekers word aangeraai om hul dagbesoeke vooraf te beplan en aanlyn te bespreek waar moontlik.
Krugerwildtuin: 22 – 26 September 2025, by Mopani-ruskamp ná 21 September.
Kaapstreek: Agulhas, Bontebok, Tafelberg (uitgesluit Boulders-pikkewynkolonie en kabelkar), Tankwa Karoo en Weskus Nasionale Parke, 22 – 28 September (Weskus 22 – 26 Sept).
Grensstreek: Addo, Camdeboo, Karoo en Mountain Zebra Nasionale Parke, 22 – 28 September (Addo 22 – 27 Sept).
Tuinroete-streek: Tuinroete Nasionale Park, 22 – 28 September.
Noordelike streek: Golden Gate, Mapungubwe (20 – 28 Sept), en Marakele, 22 – 28 September.
Droë streek: |Ai-|Ais/Richtersveld, Augrabies Falls (22 – 26 Sept), Kgalagadi en Mokala, 22 – 28 September.
Druk hier om meer te lees.
