Lees ook: Vier verdagtes in hof na Motherwell-skietery
Die ANC gaan vanmiddag in Johannesburg betoog ten gunste van die hernoeming van Sandton-rylaan na Leila Khaled-rylaan.
Volgens The South African was die voorgestelde naamsverandering vir die eerste keer in 2018 voorgestel en aanvaar, met die samewerking van die Palestynse stad, Ramallah.
Die naamsverandering word gesien as ‘n gebaar van die stad Johannesburg se toegewydheid aan die diplomatieke verhouding met die Palestyne.
Leila Khaled was ‘n Palestynse militant en lid van die Volksfront vir die Bevryding van Palestina (PFLP) wat ondermeer in 1969 vlug TWA 840 gekaap het.
Die plan om Sandton-rylaan te hernoem, is begroet met baie teenkanting veral van die Suid-Afrikaanse Sionistevereniging en die DA.
Bronne: SA People, CAR Magazine, Press Reader
