SKOTLAND. – Courtney Gartshore (28) is tot ses jaar gevangenisstraf gevonnis nadat sy skuldig bevind is aan strafbare manslag in verband met die dood van haar drie maande oue dogtertjie, Dahlia-Rose. Die hof het tydens die verhoor gehoor dat Dahlia-Rose aan langdurige en intense hitte van ’n haardroër blootgestel is
Gartshore is Vrydagoggend in die Hooggeregshof in Edinburgh gevonnis nadat ’n jurie haar verlede maand skuldig bevind het aan die dood van die baba in Peterhead, Aberdeenshire, in September 2023. Sy het ernstige brandwonde in haar ma se sorg opgedoen en is later dood. DNA wat met die baba verbind is, is ook op die mondstuk van die haardroër gevind.
Gartshore het skuld ontken en aangevoer dat haar dogter moontlik aan wiegiedood gesterf het. Die jurie het egter ná sowat ’n uur se beraadslaging ’n skuldigbevinding bereik.
Die hof het haar nou tot ses jaar agter tralies gevonnis.
Foto: Skotland-polisie. Lees die verklaring van Skotland-polisie hier.
Bronne: The Sun, STV News, BBC Scotland
