WES-KAAP. – Mogamat Imaad Sharmar, was ongeveer een week oud en onregistreer, toe hy Saterdag uit die Middestad Mall in Bellville ontvoer is.
Volgens die Missing Minors The Pink Ladies Organization weeg die baba 2.1 kg, is 48 cm lank, het donkerbruin oë, swart hare en was in twee wit eenstukke geklee, waarvan een motortjies op gehad het. Hy het ook grys kousies aan sy hande en ‘n blou frokkie aangehad en was in verskeie kombersies in blou skakerings en motiewe toegedraai.
Die verdagte het haar glo as deel van die Zoë Project voorgedoen om die babaseun se ma by te staan. Die ma het badkamer toe gegaan en toe sy terugkeer, was die vrou en haar baba weg.
Enigiemand met relevante inligting van waar die baba kan wees, word gevra om GKS-Belville by 082 552 1095 te bel.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
