MPUMALANGA. – Ernst Rachmann (74), ‘n boer van Leslie naby Leandra, kon op sy verjaardag op 27 Oktober nie op die plaas waar hy gebore is, gevind word nie.
Christo Rachmann, Ernst se seun, sê aan Nuusflits hulle hoop is nou op die polisie se ondersoek om sy pa op te spoor. Volgens ‘n sosialemediaplasing is sy voertuig, sleutels en selfoon agtergelaat.
Ds. Christo Jooste sê ‘n grootskaalse soektog is geloods en die plaas is vanuit die lug en op die grond gefynkam, maar tot dusver is geen sukses bereik nie. Jooste vra voorbidding vir die familie in die onseker tyd.
Enigiemand wat weet waar Ernst Rachmann hom bevind, word gevra om na vore te kom. Daar word ook gevra die foto moet wyd gesirkuleer word, indien iemand hom dalk daaraan kan herken.
Nuusflits het polisiekommentaar gevra.
