GAUTENG. – Nóg drie persone is Woensdagaand net na 23:00 op die N1 in ‘n noordelike rigting net na die Petroport aangerand en het slagoffers van ‘n ysterpenlokval (spiking) geword.
Live Traffic sê die slagoffers is aangerand en van hulle besittings beroof. Verdagtes het met selfone en sakke weggekom.
‘n Ambulans is vir die beseerde motoriste na die toneel ontbied. Die SAPD en metropolisie was op die toneel.
Live Traffic waarsku motoriste om nie te stop nie, maar aan te hou bestuur, al beweeg jy teen 10 km/h. Bande is goedkoper as jou lewe.
Motoriste word aangeraai om by die Live Traffic Channel en spiking-groepe op WhatsApp aan te sluit. Indien jy ‘n slagoffer van ‘n ysterpenlokval is, kan jy vir hulp vra en jou ligging aanstuur.
“Responders are awaiting to assist.”
