KWAZULU-NATAL. – ‘n Man (82) is Dinsdagoggend deur ‘n vermeende koperdief in Brookdale beseer toe hy met ‘n mes oor die kop gekap is.
KZN VIP Protection Services sê lede het op ‘n geaktiveerde alarm reageer. Met aankoms op die toneel is ‘n bejaarde man wat erg gebloei het, aangetref. Hy het ondersoek ingestel omdat daar nie water in sy krane was nie. Na bewering het ‘n verdagte koperpype buite teen die huismuur afgeruk.
Die bejaarde man kon die verdagte slegs gedeeltelik beskryf, waarna hy gedisoriënteerd geraak het. Hy is op die toneel gestabliliseer en na ‘n mediese fasiliteit geneem.
Die polisie is van die voorval ingelig.
