NOORDWES. – John Mostert is Vrydagoggend deur verdagtes aangeval toe hy in sy motor wou klim. Die voorval het in Mooinooi naby Raasbekkies Kleuterskool plaasgevind, waar hy woon.
Brig. Sabata Mokgwabone, polisiewoordvoerder, het die voorval aan Nuusflits bevestig. Die slagoffer is na bewering aangeval en het beserings opgedoen toe hy met ‘n mes gesteek en van sy beursie beroof is. ‘n Saak van roof is geregistreer en alhoewel die ondersoek voortduur, is nog geen inhegtenisnemings gemaak nie.
Jacques Broodryk, woordvoerder van AfriForum se gemeenskapsveiligheid, het in ‘n sosialemediaplasing gesê Mostert is weens sy beserings in die hospitaal opgeneem.
