KWAZULU-NATAL. – ‘n Vrou (83) is Vrydagmiddag in Westham, Phoenix, deur twee gewapende verdagtes tydens ‘n huisroof vasgebind en aangerand.
KZN VIP Protection Services sê daar is op ‘n alarm wat deur die beseerde en getraumatiseerde vrou geaktiveer is, reageer. Die vrou is vir beserings op die toneel behandel. Die verdagtes het haar na bewering geslaan terwyl hulle waardevolle items geëis het. Volgens die slagoffer het sy geluide uit die sitkamer gehoor. Sy is deur twee mans in swart klere gekonfronteer, vasgebind en in ‘n vertrek toegesluit. Die verdagtes het hierna die huis geplunder en met ‘n onbekende aantal waardevolle items gevlug.
“Die SAPD en alle ander noodsaaklike dienste was teenwoordig.”
