KWAZULU-NATAL. – ‘n Bejaarde vrou (84) is Maandagmiddag in Trenance Park deur ‘n verdagte met ‘n panga aangeval en beroof.
Reaction Unit South Africa (Rusa) sê hulp is van inwoners in die gebied ontbied. Die vrou het reaksiebeamptes ingelig die man het met ‘n panga die huis binnegekom. Alhoewel sy die deur probeer toemaak het, is sy oorval en grond toe gedwing. Die bejaarde het geringe beserings opgedoen en haar televisie is tydens die insident gesteel.
Die bejaarde vrou se 80-jarige suster het tydens die insident in ‘n kamer geslaap.
