WES-KAAP. -Valerie Enzer (79) se liggaam is gisteroggend (Maandag) omstreeks 09:00 op die stoep van haar huis op ‘n plaas, buite Van Wyksdorp, gekry. ‘n Tienerseun (17) is vir haar moord in hegtenis geneem.
Sers. Christopher Spies, polisiewoordvoerder, sê in ‘n verklaring aan Nuusflits die Ladismith-polisie het ‘n moorddossier geopen, waarna polisiespeurwerk tot die inhegtenisneming gelei het. Die verdagte bly in aanhouding by die polisiekantoor en sal na verwagting Woensdag in die hof verskyn. Die omstandighede aangaande haar dood vorm deel van ’n voortdurende ondersoek.
’n Nadoodse ondersoek sal gedoen word om die oorsaak van Enzer se dood te bepaal.
Volgens Oudtshoorn Courant het Enzer alleen gewoon en haar liggaam is deur ‘n werker ontdek. Sy is glo ook verkrag.
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected]
