GAUTENG. – Sam Tsotsetsi (30) is deur die Vereeniging-streekhof vir inbraak, huisroof, die besit van ‘n gevaarlike wapen en die besit van inbraak-implemente tot 15 jaar tronkstraf gevonnis.
Konst. Tlaleng Moloi sê die polisie is op 22 Februarie 2022 na ‘n toneel van ‘n huisroof te Wosterparkstraat, Riversdale-hoewes in die Meyerton-area.
Die polisie het vinnig die beskuldigde met gesteelde items in sy besit in hegtenis geneem en die verdagte is aangekla. Die saak is deur sers. Morongwenyane Innocencia Mofokeng ondersoek wat tot die suksesvolle vonnisoplegging gelei het.
Kol. Senzangakhona Christopher Mohale het sers. Mofokeng vir die suksesvolle afhandeling van die saak geprys.
