GAUTENG. – Raadslid Quentin Meyer het ‘n waarskuwing oor betogers en brandende bande by Laerskool Danie Malan, in Pretoria-Noord, op sosiale media gedeel. Ouers is deur die skool gevra om nie leerlinge skool toe te neem nie.
Volgens die plasing is veiligheidsmaatskappye reeds teenwoordig en die polisie is ook ontbied.
In ander plasings het ouers gesê die skool het ‘n boodskap uitgestuur om te sê die hekke is gesluit en het gevra ouers moet tot verdere kennisgewing nie na die skoolterrein gaan nie, aangesien die situasie onveilig is en die veiligheid van die leerlinge en personeel ernstig opgeneem word.
Bronne: Raadslid Quentin Meyer en Pretoria FM
