Lees ook: Israel en Hamas stem ooreen tot skietstilstand vir polio-inentings
GAZA. – Die Israeliese weermag het die liggame van ses gyselaars in ’n tonnel in Rafah gevind. Hulle was deel van die 251 gyselaars wat op 7 Oktober deur Hamas ontvoer is.
100 gyselaars is steeds gevange, maar die Israeliese weermag het gesê dosyne van hulle is reeds dood.
Israel het gister aanvalle geloods op die Wes-Bank ten spyte van ‘n humanitêre skietstilstand wat vandag begin om 640 000 kinders teen polio in te ent. 48 mense is in die aanvalle dood.
Vier persone wat deel was van ‘n hulpkonvooi wat op pad was na ‘n hospitaal om mediese voorraad en brandstofvoorraad af te laai, is Donderdag deur die Israeliese weermag gedood. Die weermag het beweer die mans was gewapen, maar die groep aan wie die mans behoort het, het gesê hulle is sonder waarskuwing met vuurpyle aangeval.
Bronne: Jacaranda FM, SABC, LA Times
Lees ook: Israel en Hamas stem ooreen tot skietstilstand vir polio-inentings
