NASIONAAL. – Eskom het beurtkrag tot Maandag om 16:00 opgeskort.
Maandag om 16:00 sal fase 2-beurtkrag tot Dinsdagoggend 05:00 geld en dan weer tot 16:00 gestaak word. Hierdie patroon van beurtkragskedule sal tot verdere kennisgewing geld.
Eskom sê dit is danksy voldoende reserwes omdat sommige opwekkingseenhede sedert Vrydag weer in diens is.
Daar word verwag dat ‘n totaal van 2 200 MW opwekkingsvermoë teen Woensdag beskikbaar sal wees.
Eskom sê spitstyd saans eis 24 849 MW elektrisiteit.
Indien enigiets verander, sal Eskom dit kommunikeer.
