KWAZULU-NATAL. – ‘n Vrou is Saterdagmiddag omstreeks 14:20 bewusteloos in Howick in ‘n kruiwa aangetref.
Midlands EMS in Howick is saam met gevorderde lewensondersteunende paramedici na die toneel van ‘n aanranding in Hoofweg by ‘n brug ontbied. Met aankoms op die toneel is die vrou, erg aangerand en bewusteloos, in ‘n kruiwa gevind. Die vrou het dringende lewensondersteunende behandeling nodig gehad.
Nadat die vrou gestabiliseer is, is sy vir verdere mediese behandeling na ‘n hospitaal vervoer.
Midlands EMS sê alle owerhede was op die toneel teenwoordig.
