VSA. – Blake Lively se prokureurs het ‘n regter gevra om streng reëls in te stel sodat enigiemand wat met Justin Baldoni geassosieer word nie private of intieme inligting oor hulle kliënt kan bekom nie.
Lees ook: Blake Lively se versoek vir Justin Baldoni se selfoonrekords gedeeltelik goedgekeur
Meryl Governski, wat Lively verteenwoordig, het ook gevra dat inligting oor haar bewerings van seksuele teistering slegs tussen die prokureurs gedeel word om haar en ander se privaatheid te beskerm. Governski het beweer Baldoni en ander het in boodskappe gespog hulle kan inligting plaas sonder “vingerafdrukke”.
Regter Lewis J. Liman het nog nie oor die versoek beslis nie.
Lively het Baldoni en nog ander in Desember gedagvaar vir seksuele teistering en oor ‘n veldtog om haar reputasie te vernietig. Baldoni het later op sy beurt vir Lively en haar man, Ryan Reynolds, vir laster en afpersing gedagvaar.
Bronne: The Independent, ABC News, CTV News
Lees ook: Blake Lively se versoek vir Justin Baldoni se selfoonrekords gedeeltelik goedgekeur
