Lees ook: Nog 10 fluitjieblasers kom na vore oor Boeing
VSA. – Die Federale Lugvaartadministrasie (FAA) gaan ondersoek of Boeing kortpaaie tydens inspeksies van die 787 Dreamliner-vliegtuig geneem het. Hulle ondersoek ook of werknemers vals rekords opgestel het om te sê die werk is voltooi.
Boeing het die FAA ingelig dat die maatskappy moontlik nie die nodige inspeksies voltooi het om te verseker daar is ’n veilige, funksionele elektriese vloei tussen komponente in die vliegtuig nie.
Die probleem met die Dreamliner is aangemeld na ‘n werknemer opgelet het daar is ‘n “onreëlmatigheid in die vereiste ooreenstemmingstoets van die verbinding van die vlerk en liggaam van die tuig.” Hy het die probleem by sy bestuurder aangemeld wat dit by die leierskap aangemeld het.
Die ondersoek volg na verskeie probleme met Boeing 737-vliegtuie en twee fluitjieblasers wat oorlede is na veiligheidsprobleme aangemeld is.
Bronne: Briefly, The Wall Street Journal, The Washington Post
