Boer in skaapkraal doodgesteek, vrou aangerand

NOORDWES. – ’n Boer (67) is gistermiddag op sy plaas Leeufontein, naby Wolmaransstad, in ’n skaapkraal doodgesteek. Luidens Netwerk24 is sy vrou (66) erg aangerand en in die hospitaal opgeneem. “Volgens kol. Adele Myburgh, die provinsiale polisiewoordvoerder, het vyf verdagtes om 17:30 by die plaas aangekom en vir die...

NOORDWES. – ’n Boer (67) is gistermiddag op sy plaas Leeufontein, naby Wolmaransstad, in ’n skaapkraal doodgesteek.

Luidens Netwerk24 is sy vrou (66) erg aangerand en in die hospitaal opgeneem.

“Volgens kol. Adele Myburgh, die provinsiale polisiewoordvoerder, het vyf verdagtes om 17:30 by die plaas aangekom en vir die egpaar gesê hulle wil skape koop.”

Die verdagtes, drie mans en twee vroue, is saam met die egpaar na die kraal om skape te gaan kies. Hulle is toe glo deur die verdagtes oorrompel. Van die verdagtes het die vrou na die huis geneem en op die kluis se sleutels aangedring, terwyl die ander die man in die kraal vasgebind het, het Myburgh aan Netwerk24 gesê.

“Die egpaar se seun (43) was glo in ’n ander kraal toe hy die verdagtes sien hardloop en het sy pa se lyk in die skaapkraal gevind.”

Myburgh het ook aan Netwerk24 gesê dit is in die stadium nog nie bekend of die verdagtes enigiets gesteel het nie, maar ’n saak van moord en plaasaanval is geopen.”

AfriForum sal help met eerste dagvaardiging vir uitstaande e-tolgelde

Vrou sterf tydens tref-en-trap

Buurman skuldig nadat buurmeisie (13) geboorte skenk

Paar vir versekeringsbedrog en geldwassery gevonnis terwyl een in tronk is

Lotto uitslae vir 13 April 2024

ACSA sê oor brandstoftekort op lughawens

KYK: Water uit ‘n toilet as ‘gesuiwerde water’ verkoop

As dit nie jy kan wees, soek ek niemand anders nie…

Een sterf en een kritiek toe voertuig tydens ongeluk rol