WES-KAAP. – Loyola Gwadiso (8) en Khanide (1) is Maandagmiddag in Gugulethu, waar hulle naby hulle huis gespeel het, doodgeskiet.
Sers. Wesley Twigg sê Gugulethu-polisie ondersoek die dubbelmoord.
Na bewering het onbekende mans op mekaar geskiet en die kinders is in die spervuur getref. Albei kinders is met aankoms by die hospitaal dood verklaar.
Die verdagtes het van die toneel gevlug, maar die ondersoek duur voort.
Enigiemand met inligting word versoek om na vore te kom.
IOL sê die kinders was ongeveer 15 meter van hulle Lotus Park-huis in ‘n informele nedersetting toe hulle getref is. Die meisie is onder die ken en in die bors getref. Die seun is in die kop en maag getref.
Bronne: SAPD en IOL
