WES-KAAP. – The Haven Night Shelter, wat verskeie skuilings in die Wes-Kaap het, bied nou ‘n geleentheid vir haweloses om vir slegs R75 vyf nagte in ‘n warm bed te kan slaap.
Die Wes-Kaap gaan tans gebuk onder uiters nat en koue weersomstandighede. Met meer as 2 500 nuwe kliënte ‘n jaar vra die skuiling die hulp van die gemeenskap om die eerste vyf nagte vir ‘n hawelose persoon te borg om dit ‘n volhoubare organisasie te maak.
Die projek waarmee ‘n bed gekoop word sodat iemand vir vyf nagte kan oornag, maak dit meer toeganklik vir diegene sonder inkomste wat op straat bly.
Die meeste hawelose persone weet daar is ‘n beginfooi van R15 per nag. Vir hierdie organisasie is die fooi ‘n stap in die regte rigting vir ‘n hawelose volwassene om te leer om weer verantwoordelikheid te neem.
Indien jy ‘n bed wil borg, kan jy op die volgende skakel druk.
