LONDEN, VK. – ‘n Vrou uit ‘n welgestelde familie, met sterk bande met die Britse koninklikes, en haar kêrel is gister tot 14 jaar tronkstraf gevonnis vir die dood van hulle baba terwyl hulle van owerhede aan die vlug was.
Lees ook: Vier brandbestryders beseer tydens Russiese hommeltuigaanval in Chernihiv-streek
Constance Marten (38) en haar kêrel, Mark Gordon (51), ‘n veroordeelde verkragter, is in Julie skuldig bevind aan nalatige manslag. Hulle is ook skuldig bevind aan dwarsboming van die gereg, die verberging van die geboorte van ‘n kind en wreedheid teenoor ‘n kind.
Marten en Gordon het in Januarie 2023 op die vlug geslaan nadat hulle Marten se vyfde swangerskap verberg het omdat hulle eerste vier kinders deur ‘n familiehof vir hulle veiligheid weggeneem is.
Die baba is dood nadat Marten aan die slaap geraak het met haar in haar ma se baadjie in ‘n dun tent in Januarie 2023. Sy is dood aan hipotermie nadat sy aan “koue stres” blootgestel is.
Die polisie het die twee begin soek nadat ‘n plasenta op 5 Januarie 2023 in ‘n uitgebrande motor van die paar gevind is. Die baba se liggaam is ná sewe weke in ‘n winkelsak onder rommel gevind.
Bronne: Euronews, ABC News, The Independent
Lees ook: Vier brandbestryders beseer tydens Russiese hommeltuigaanval in Chernihiv-streek
