KWAZULU-NATAL. – ‘n Buitelandse burger (52) is Sondagoggend vroeg deur die polisie in ‘n skietery in die Madlankala-area in Esikhaleni gewond.
Kol. Robert Netshiunda sê die buitelandse burger is vir ‘n aanklag van moord deur die polisie gesoek, toe hulle inligting ontvang het dat hy in ‘n huis skuil.
“Toe die polisie die huis binnegaan, het die 52-jarige verdagte verskeie skote op die polisie geskiet.”
Netshiunda sê in ‘n poging om gevaar te neutraliseer het die polisie teruggeskiet en die verdagte gewond. Die verdagte is in besit van ‘n vuurwapen en ammunisie gevind. Netshiunda sê wanneer die verdagte fisies gesond genoeg is, sal hy op aanklag van moord, poging tot moord en die onwettige besit van ‘n vuurwapen en ammunisie in die hof verskyn.
“Geen polisiebeampte is tydens die skietgeveg beseer nie.”
