INTERNASIONAAL. – Verskeie webtuistes, insluitend X en ChatGPT, was gister af weens probleme by die internet-infrastruktuurmaatskappy Cloudflare.
Lees ook: Amazon Web Services weer aan die gang
Cloudflare het om verskoning gevra by hulle “kliënte en die internet oor die algemeen omdat ons julle vandag in die steek gelaat het”. Volgens Cloudflare het die onderbreking gebeur nadat ‘n “configuration file” wat ontwerp is om verkeer na die webtuistes te beheer nie gewerk het soos verwag nie en “gemaak het dat daar ‘n onderbreking is” in die sagteware, wat die verkeer na die groter webtuistes beheer.
Verskeie gebruikers het probleme aangemeld met onder andere Zoom, Canva, X en ChatGPT.
Cloudflare het gesê daar was “geen bewyse dat die onderbreking deur ‘n kuberaanval veroorsaak is nie”.
Bronne: BBC, ABC, Business Insider
Lees ook: CrowdStrike-hoof vra om verskoning oor globale IT-onderbreking
