Die DA het ’n aansoek by die Gauteng hooggeregshof ingedien om die Wysigingswet op Billike Indiensneming en die gepaardgaande raskwotas in die werkplek teen te staan.
Lees ook: Eskom sê beurtkrag kan dié winter vermy word
Helen Zille, die DA se federale voorsitter, het gesê die wetsontwerp gaan tot groter werkloosheid lei en dat Suid-Afrika groei en werksgeleenthede nodig het, nie rasgebaseerde wette wat mense daarvan weerhou om in diens geneem te word nie.
Die DA het gesê die wetsontwerp gaan werksgeleenthede vernietig, die ekonomie verswak en teen die grondwetlike regte van minderhede in Suid-Afrika diskrimineer. Volgens Zille gaan die DA steeds deel bly van die RNE.
Die ANC het by monde van sy sekretaris-generaal, Fikile Mbalula, gesê die DA se hofaansoek bewys hulle is teen transformasie gekant.
Nomakhosazana Meth, die minister van arbeid, het die DA se hofaansoek gekritiseer en ook gesê hulle is anti-transformasie.
Bronne: IOL, SABC, EWN
