MPUMALANGA. – Twee landsburgers van die Koninkryk van Eswatini wat glo die naweek dagga met ‘n geskatte straatwaarde van R51 828 deur die Waverley-grenspos wou bring, is in hegtenis geneem.
Kol. Donald Mdhluli sê die verdagtes, onderskeidelik 30 en 35 jaar oud, is vir beweerde handel in dagga in aanhouding.
Grensposlede het ‘n stop-en-deursoekingsoperasie by Waverley Farma en Esandleni gehou toe hulle ‘n swart Honda Fit gestop het. Tydens die deursoeking is 67 rolle dagga van 12.34 kg in ‘n vals kompartement in die voertuig versteek ontdek.
Twee verdagtes is vir handel in dagga in hegtenis geneem en aangekla, waarna hulle na verwagting in die Mayflower-landdroshof sal verskyn.
