NOORD-KAAP – Die Nakop-grenspolisie het drie verdagtes sowat 132 km vanaf Upington op die Namibiese grens in hegtenis geneem, nadat 51 daggapakkies in bande versteek, gevind is.
Brig. Mohale Ramatseba, hoof van korporatiewe kommunikasie van die polisie in die Noord-Kaap, sê die 51 pakkies was in kleefband toegedraai en dit was in twee bande weggesteek.
Die verdagtes gaan binnekort in die plaaslike landdroshof verskyn.
Die provinsiale hoof van operasionele reaksiedienste het brig. Monica Sebili vir die paraatheid van haar beamptes geprys.
