WES-KAAP. – Mienke Fourie, ‘n jong danseres van Hoërskool Strand, het onlangs aan die World Dance Competition in die VSA deelgeneem waar sy platinumtoekennings vir ál haar items ontvang het. Die grootste hoogtepunt was egter die kans om aan die wêreldbekende Disneyland Parade deel te neem, ’n vertoning wat elke jaar duisende toeriste lok.
Volgens ‘n sosialemediaplasing van die skool het die jong danseres uitgeblink en sertifikate en platinumtoekenings vir haar solo-optredes in Liries, Akro en Musiekteater, asook vir haar duette in Liries, Akro en Jazz ontvang. Saam met haar dansmaat het sy die tweede plek in die Teen Duet-afdeling behaal, terwyl sy in die Teen Solo-kategorie derde geplaas is.
Die skool sê in in die plasing: “Welgedaan, Mienke – ons is baie trots op jou!”
