Atlete van Hoërskool Diamantveld het Woensdag 13 Februarie aan die Tuks Top 10-byeenkoms in Pretoria deelgeneem.
Die atlete het die volgende prestasies behaal:
Maricelle Krüger breek rekord
Maricelle het tydens die byeenkoms ‘n persoonlike beste en nuwe rekord vir D 0/15 Griekwaland-Wes-atletiek gehardloop. Sy het ‘n tyd van 4:57.02 los gehardloop in die 1500m en ‘n algehele 4de plek behaal. Sy het ook ‘n algehele 10de plek in die 800m vir D 0/15 behaal.
Marizaan Ferreira
Marizaan het met ‘n tyd van 1:01.16 ‘n algehele 3de plek in die 400m behaal vir D 0/17.
Henrico Badenhorst
Henrico het in die 800m vir S 0/17 ‘n persoonlike beste tyd van 1:59.28 aangeteken en ‘n algehele 10de plek behaal.
Zineldi van Heerden
Zineldi het ‘n algehele 6de plek behaal vir D 0/19 in die 800m. Sy het ook ‘n persoonlike beste tyd van 2:17.86 gehardloop.
Die atlete neem eerskomende naweek deel aan die Frances Baard-byeenkoms.
Baie sterkte! ihidden0 lsdu
