DUITSLAND. – Die polisie het gesê diewe het Maandag ‘n groot boor gebruik om by ‘n bank se kluis in te breek en sowat $35 miljoen se geld, goud en juwele uit meer as 3 000 depositobokse gesteel.
Lees ook: Britse polisie vra hulp ná diefstal uit Bristol-museumargief
‘n Polisiewoordvoerder het die inbraak met die film Ocean’s Eleven vergelyk en gesê dit is “baie professioneel uitgevoer”.
Die polisie in Gelsenkirchen is Maandagoggend na die Sparkasse-bank nadat ‘n brandweeralarm afgegaan het en het ‘n gat in die ondergrondse kluiskamer gevind. Die polisie het gesê die diewe het deur ‘n parkeerarea naby die bank ontsnap. Getuies het gesê hulle het deurnag vanaf Saterdag tot Sondag mans met sakke en groot tasse in die parkeerarea gesien.
Nog niemand is vir die roof in hegtenis geneem nie en die saak word ondersoek.
Bronne: BBC, CBS News, Euronews
Lees ook: Verdagtes steel kuns by biblioteek in Brasilië
