Lees ook: Waarskuwings oor beweerde terroristeaanvalle vir Rusland uitgereik
MOSKOU. – Die departement van internasionale betrekkinge en samewerking (Dirco) het bevestig Suid-Afrikaners in Moskou is veilig na ’n terroriste-aanval.
Meer as 130 mense is dood en talle meer beseer na ’n terroriste-aanval Vrydag op die Crocus-konsertgebou. Dirco het gesê die Suid-Afrikaanse ambassadewerkers en studente wat tans in Moskou is, is veilig.
Die Dirco-woordvoerder het die terroriste-aanval veroordeel en Suid-Afrika se sterk standpunt teen terrorisme duidelik gemaak.
President Cyril Ramaphosa het sy medelye teenoor Rusland uitgespreek en beklemtoon hoe belangrik dit is om na president Wladimir Poetin uit te reik.
Die VK en VSA het vroeër die maand waarskuwings uitgereik oor beweerde beplande terroriste-aanvalle in Rusland. Dit is onbekend of Vrydag se aanval daaraan verwant is.
Bronne: SA People, SA News, SABC
Lees ook: Waarskuwings oor beweerde terroristeaanvalle vir Rusland uitgereik
