NOORD-KAAP. – ‘n Vrou (56) het Saterdagoggend, na ‘n beweerde dispuut tussen twee families, in Minerva Gardens in Kimberley, gesterf. ‘n Man (37) is gewond.
Lt.kol. Sergio Kock sê aan Nuusflits na bewering het ‘n dispuut tussen twee families omstreeks 05:00 in die erf van ‘n privaat woning uitgebreek. ‘n Vrou en ‘n man is glo deur ‘n ander man (65) geskiet en gewond. Beide die slagoffers is vir mediese behandeling na ‘n hospitaal geneem. Die vrou het egter aan haar beserings gesterf.
Die eenheid vir ernstige en geweldsmisdaad in Kimberley ondersoek ‘n saak van moord en poging tot moord.
Enigiemand met relevante inligting word gevra om speur. sers. Modise Moshotloa by 082 302 0407 te bel. Alle inligting sal vertroulik hanteer word.
