GAUTENG. – Die ondersoekspan wat aan DJ Warras (40) se moordsaak werk, het vanoggend (Maandag) omstreeks 02:00 twee persone van belang vir ondervraging ingeneem. Die twee persone is van ‘n hostel in Soweto gehaal.
Brig. Brenda Muridili sê die ondersoek duur voort en die span volg alle moontlike leidrade op om die saak op te los. Alle inligting wat ontvang word, word ondersoek.
Warras het op 16 Desember sy voertuig in Johannesburg-Sentraal geparkeer. Drie onbekende verdagtes het hom glo genader, geskiet en te voet van die toneel gevlug. Enigiemand met relevante inligting word gevra om die polisie te kontak.
