Lees ook: Palestina beskuldig Israel van apartheid in Internasionale Geregshof
GAZA. – Die Palestynse gesondheidsministerie het Maandag gesê die dodetal in Gaza is meer as 29 000 sedert Hamas Israel op 7 Oktober aangeval het.
Sowat 29 092 mense is oorlede, meestal vrouens en kinders en meer as 69 000 mense is beseer.
Aanvanklik het 1 200 persone in Israel omgekom toe Hamas Israel op 7 Oktober aangeval het. Israel het gesê die oorlog sal aanhou tot ’n “totale oorwinning” oor Hamas bereik is. Dit dreig om Rafah in te val as die gyselaars nie teen die begin van Ramadan vrygelaat is nie. Ramadan begin na verwagting op 10 Maart.
Israel het gesê hulle ontwikkel planne om burgers uit Rafah te ontruim, maar dit is onbekend waarheen hulle sal gaan. Egipte het die grens afgesluit en het gewaarsku as die Palestynse burgers probeer inkom, sal dit hulle ooreenkoms met Israel bedreig.
Bronne: Gulf Today, The Times of Israel, AP News
Lees ook: Palestina beskuldig Israel van apartheid in Internasionale Geregshof
