INDONESIЁ. – Die dodetal in Indonesië het na 502 gestyg met 508 mense wat steeds vermis word en 2 500 mense wat beserings opgedoen het.
Lees ook: Sri Lanka verklaar noodtoestand ná oorstromings
Meer as 1 000 mense is in Thailand, Maleisië, die Filippyne en Sri Lanka oorlede ná verlede week se oorstromings, grondverskuiwings en modderstortings ná tropiese storms en siklone verwoesting in die gebiede gesaai het.
Die tropiese sikloon Senyar het katrastrofiese modderstortings in Indonesië tot gevolg gehad. Hewige reën en storms het dele van Thailand, Maleisië, die Filippyne en Sri Lanka die afgelope maand geteister. Altesaam 334 mense is reeds in Sri Lanka dood en 170 mense in Thailand.
Duisende mense is haweloos is in hierdie Asiatiese lande gelaat en dit is moontlik dat die dodetal nog gaan styg. Reddingswerkers is steeds op soek na vermiste mense, terwyl ‘n ernstige nood vir kos en water heers.
Weervoorspellers het gewaarsku daar is nog reën vir hierdie lande op pad.
Bronne: BBC, ABC News, The Star
