DOMINIKAANSE REPUBLIEK. – Die dodetal het tot 184 gestyg na die dak van ’n nagklub in die Dominikaanse Republiek ineengestort het. 145 mense is gered en 20 is in die hospitaal, met minstens agt in ‘n kritieke toestand.
Lees ook: Dodetal styg na nagklubdak ineenstort
Reddingspogings is opgeskort en nooddienste het die soektog van liggame gestaak. Die liggame van 54 oorledenes is reeds geïdentifiseer en 28 is aan hulle families oorhandig.
Dit is onduidelik hoeveel mense nog vermis is, omdat baie van die liggame nog nie uitgeken is nie.
Die nagklub se dak het Dinsdag ingegee tydens ’n optrede deur die sanger Rubby Pérez, wat ook in die tragedie oorlede is.
Dit is onbekend hoekom die dak ineengestort het.
Bronne: The Independent, DW – South Africa, NBC News
Lees ook: Dodetal styg na nagklubdak ineenstort
Het jy kommentaar oor die berig? Jy kan nou aan Nuusflits lesersbriewe skryf en dalk word joune gepubliseer. Rig jou brief aan die redakteur by [email protected].
