IRAN. – Die dodetal na die ontploffing by Iran se grootste hawe in Bandar Abbas het tot 40 gestyg met meer as 1 200 mense beseer.
Lees ook: Sowat 18 mense dood en 800 beseer na ontploffing in Iran
’n Ontploffing het Saterdag by die Shahid Rajaee-hawe plaasgevind na ’n brand ontstaan het en na oop houers met “vlambare materiaal” versprei het. Iran se verdedigingsministerie het ontken dat die ontploffing veroorsaak is deur die verkeerde hantering van brandstof wat vir vuurpyle gebruik word, soos deur verskeie mediamaatskappye berig is.
Daar het gister steeds brande by die hawe uitgebreek, wat deur helikopters met brandbestryders geblus is.
Die oorsaak van die brand word ondersoek.
Bronne: Algoa FM, SABC, PBS News
Lees ook: Sowat 18 mense dood en 800 beseer na ontploffing in Iran
