KWAZULU-NATAL. – ‘n Dokter is Saterdag met ‘n skerp voorwerp gesteek, nadat ‘n verdagte glo ‘n poging aangewend het om ‘n spreekkamer in Inandastraat, in Newlands West, te beroof.
KZNVIP sê die diens is na die toneel ontbied waar ‘n dokter ‘n verdagte rower gekonfronteer het. Die dokter is verskeie keer gesteek en die verdagte het probeer vlug, maar is deur die gemeenskap gekeer en deur veiligheidsbeamptes gearresteer.
Die dokter is gestabiliseer voordat hy vir verdere mediese behandeling na ‘n fasiliteit vervoer is.
Alle dienste was op die toneel teenwoordig.
