LOS ANGELES, VSA. – Dr. Salvador Plasencia, wat daarvan beskuldig word dat hy die akteur Matthew Perry voor sy dood van ketamien voorsien het, gaan vandag skuldig pleit.
Lees ook: Dokter pleit skuldig in Matthew Perry-saak
Plasencia sou in Augustus in die saak verhoor word, maar het in Junie ingestem om op vier aanklagtes van die verspreiding van ketamien skuldig te pleit as vyf ander aanklagtes teen hom laat vaar word.
Hy is die vierde verdagte uit vyf wat aangekla is in Perry se dood wat skuldig gepleit het. Sy prokureurs het gesê hy het nie Perry behandel voor hy dood is nie en die ketamien wat gelei het tot Perry se dood is nie deur Plasencia voorsien nie.
Die verdagte, wat glo die ketamien voorsien het wat tot Perry se dood gelei het, Jasveen Sangha, sal in Augustus verhoor word. Sy het onskuldig gepleit.
Perry se assistent, ’n vriend en nog ’n dokter het in 2024 skuldig gepleit in ruil vir hulle samewerking in die saak. Nog niemand is in die saak gevonnis nie.
Bronne: The Independent, The Week, Devdiscourse
