VSA. – ‘n Dokter wat skuldig gepleit het op aanklagtes dat hy ketamien aan die akteur Matthew Perry voor sy dood verkoop het, word vandag gevonnis.
Lees ook: Dokter in Matthew Perry-ketamiensaak gaan skuldig pleit
Dr. Salvador Plasencia het in Junie skuldig gepleit op aanklagtes dat hy ketamien aan Matthew Perry verkoop het weke voordat die akteur in Oktober 2023 aan ‘n oordosis oorlede is.
Plasencia se prokureurs het gesê sy besluit om ketamien aan Perry te verkoop, was “roekeloos” en “die grootste fout van sy lewe”. Die prokureurs het gesê “’n vonnisoplegging van tronkstraf is nie nodig of regverdig nie. Hy het reeds sy mediese lisensie, sy kliniek en sy loopbaan verloor. Hy is ook deur die media aangeval en deur vreemdelinge gedreig tot die punt waar hy en sy familie moes trek”.
Die aanklaers het gevra dat regter Sherilyn Peace Garnett Plasencia tot drie jaar tronkstraf vonnis ná ‘n ooreenkoms.
Bronne: The Independent, ECR, US News
Lees ook: Dokter in Matthew Perry-ketamiensaak gaan skuldig pleit
