NASHVILLE, TENNESSEE. – Carl Dean, wat sowat 60 jaar met sangeres Dolly Parton getroud was, is gister in die ouderdom van 82 oorlede.
Lees ook: Gene Hackman en vrou se dood word ondersoek
Parton het in ’n verklaring bevestig Dean is in Nashville, Tennessee, oorlede. Sy het vertel hoe sy as ’n 18-jarige Dean buite ’n wassery op haar eerste dag in Nashville ontmoet het. Hulle is twee jaar later in 1966 getroud.
Parton en Dean het geen kinders saam gehad nie. Hy word oorleef deur sy vrou en sy sibbe, Sandra en Donnie.
Bronne: BBC, Metro, Hollywood Reporter
