NEW YORK, VSA. – President Donald Trump het gedreig om die Moslem- Demokratiese burgemeesterskandidaat vir New York, Zohran Mamdani, in hegtenis te laat neem as hy die immigrasie-en-grenskontrolespan daarvan weerhou om mense te deporteer.
Lees ook: Ugandese weermaghelikopter stort by Somaliese lughawe neer
Trump het ook beweer Mamdani is ’n “kommunis” en het gesê die bewerings dat Mamdani onwettig in die VSA is, sal ondersoek word. Mamdani is in Uganda gebore en het in Kaapstad skoolgegaan voordat hy op sewe jaar na die VSA getrek het en ’n genaturaliseerde burger in 2018 geword het.
Trump het gesê Mamdani sal in hegtenis geneem word nadat hy in ’n toespraak gesê het hy sal “die gemaskerde immigrasie-en-grenskontrole-agente keer om ons bure te deporteer”.
Mamdani het gesê Trump se stellings is “intimidasie” en het bygevoeg “sy stellings verteenwoordig nie net ’n aanval op ons demokrasie nie, maar is ’n poging om ’n boodskap aan elke New Yorkse inwoner te stuur wat weier om in die skadu weg te kruip: as jy uitpraat, gaan hulle kom vir jou. Ons weier om die intimidasie te aanvaar”.
Bronne: ABC News, New York Times, The Hill
Lees ook: Ugandese weermaghelikopter stort by Somaliese lughawe neer
