Lees ook: 77 mense dood na brandstoftenkwa in Nigerië ontplof
VSA. – Donald John Trump sal vandag vir ’n tweede keer as die president van Amerika ingesweer word. Hy is ook op 78 jaar 7 maande die oudste president ooit om dié amp op te neem. Ongeveer 250 000 mense sal na verwagting in die strate van Washington saamdrom om na die insweerseremonie op groot skerms te kyk.
Trump sal na ’n ogggenddiens by die St John-kerk met Joe en Jill Biden in die Withuis tee drink voor hy na die Kongresgebou gaan vir die inhuldigingseremonie. Trump sal die presidensiële eed aflê en daarna sy openingsrede lewer. Amptelike dokumente sal geteken word, waarna middaete genuttig sal word.
Later die aand volg drie amptelike geleenthede in Washington, asook ’n parade en partytjies waar verskeie kunstenaars soos Carrie Underwood en Billy Ray Cyrus sal optree.
Bronne: Financial Times, USA Today, IOL
Lees ook: 77 mense dood na brandstoftenkwa in Nigerië ontplof
