KWAZULU-NATAL. – Die liggame van drie persone is op twee tonele in die Kwamakhuta-gebied uit modder gehaal, nadat huisstrukture Woensdagaand tydens modderstortings meegegee het.
IPSS Search and Rescue het Donderdagogend oproepe vir hulp ontvang. Spanne van dié diens saam met die Ethekweni-brandweer, die polisie se soek-en-reddingseenheid, Durban-metropolisie se soek-en-reddingseenheid en ander organisasies is na die gebied.
Daar is in moeilike omstandighede op twee tonele, ongeveer 9 km van mekaar, soos voorheen berig, gewerk om moontlike oorlewendes uit die modder te haal, maar instede is drie liggame in die modder gevind. Die liggame is aan die polisie oorhandig.
